INFORMAZIO GEHIAGO

Arte Hartze Zikloa 2026
Irailetik azarora bitartean, Aiaraldeak Euskal Herriko ekialde eta mendebaldeko artistak bilduko ditu Arte Hartze zikloaren baitan. Topaketa, elkarlan eta hausnarketarako gune izango da egitasmoa, euskarak zubi lana eginez eta sormena kolore zein forma anitzez jantziz.

Aiaraldeako hainbat txoko zeharkatuko ditu zikloak, eta bereziki Faktoria izango du bilgune nagusi. Euskararen arnasgune den espazio honetan, artistak elkartu, elkar entzun, elkarrekin sortu eta gozatzeko aukera izango dute. Une atseginak, inspirazioa, ikaskuntzak eta elkarrekiko aitortza uztartuko dira egitarauan. 

18:30 Podcast irekia 
Arte Hartze Zikloaren irekiera eguna podcast saio batekin hasiko dugu arratsaldeko 18:00etan Faktorian: BAGOAZ, BAZATOZ? Podcast ireki honetan ekialde eta eskualdeko artistak bateratuko ditugu euskaraz sortzeak zer ematen digun aztertzera. Norena da euskarazko kulturgintza? Nork egiten du? Nork kontsumitzen du? Eta, batez ere, nola egin dezakegu gazteontzat biziago, desiragarriago eta ausartago? Eskualdetik Xabi Basterra, Ximena, Okher, Mari Garimendi (Berbalabanakaz) eta Madalen Artetxe etorriko dira, eta ekialdetik Odei Barroso eta Xabi Etxeberri.

20:00 Auhen taldearen kontzertua

Rapetik abiatu eta haren mugak zabaltzen dituen proposamena da Auhen. Odei Barroso, Pierre Sangla, Peio Lambert, Xabi Etcheverry, Bastien Marianne eta Patxi Amuletek osatutako seikote lapurtarrak hitzaren indarra eta soinu-geruza askotarikoak uztartzen ditu, atmosfera trinko eta ñabarduratsua eraikiz.

Bi urteko sormen-prozesuaren ondoren kaleratu dute bost kantuz osatutako lehen EPa. Raparen kodeak oinarri hartuta, taldeko kide bakoitzaren nortasuna ageri da kantuetan, intentsitatearen eta barealdiaren artean mugitzen den proposamen musikala osatuz.

☎️ HARREMANETARAKO

Telefono zenbakia (Libe eta Ixi): 633 51 73 83